პირადი სივრცე
ონლაინ კონსულტაცია
FAQ

სოკარი თანამედროვე, მართვისა და ხარისხის კონტროლის სხვადასხვა საერთაშორისო სტანდარტების საფუძველზე მოქმედი ორგანიზაციაა.

კომპანიამ სოციალური პასუხისმგებლობის მიმართულებით დაგეგმილ აქტივობებს სისტემური სახე მისცა და შექმნა გრძელვადიანი CSR სტრატეგია, რომელიც მოიცავს 5 მიმართულებას. ესენია:

  • გარემოს დაცვა
  • ახალგაზრდების მხარდაჭერა
  • უსაფრთხოება
  • ქალთა გაძლიერება
  • შშმ პირების უფლებების რეალიზაცია

 

გარემოს დაცვა

  • კომპანიას აშენებული  აქვს არაერთი სკვერი თბილისსა და რეგიონებში, მათ შორის რეკრეაციული ზონები თბილისსა და რუსთავში.
  • სოკარი განსაკუთრებულ დიდ მნიშვნელობას ანიჭბს ნარჩენების მართვას და ყველა წესის დაცვით ახორციელებს უტილიზაციას.
  • სოკარი ზრუნავს ეკოლოგიაზე საწვავის ხარისხის კონტროლით. კომპანიას გააჩნია საკუთარი აკრედიტებული ლაბორატორია და სისტემატურად წმენდს რეზერვუარებს.
  • კომპანიას დაწყებული აქვს საწვავის ხარისხის საერთაშორისო სერტიფიკატის მიღების პროცესი.
  • სოკარის სადგურების უმრავლესობაზე (კახეთიდან ბათუმამდე არსებულ მთელს ავტობანზე და თბილისში) დამონტაჟებულია ელექტრო-მანქანების სატენები, რომელთა გამოყენება ამ ეტაპზე უფასოდაა შესაძლებელი.
  • სოკარი მხარს უჭერს ელექტროსკუტერების პოპულარიზაციას და ხელს უწყობს  აკუმულატორების გაცვლის პუნქტების დამატებას თბილისში მდებარე სადგურებზე.
  • დაგეგმილია ბორჯომის-ტყე პარკის ტრაგიკული ხანძრის შედეგად განადგურებულ ტერიტორიაზე, კერძოდ 2 ჰექტარი მიწის ფართობზე,  4,700 ძირი ხის დარგვა.
  • დაგეგმილია თბილისში ისანი-სამგორის რაიონში, კერძოდ ვარკეთილის მესამე მიკრორაიონში არსებული ტერიტორიის გამწვანება და 1,500 მდე ძირი ხის დარგვა.



ახალგაზრდების მხარდაჭერა

  • სოკარი წლების განმავლობაში ხელს უწყობს პროფესიულ განათლებას პროფესიულ სასწავლებლებისა და პრობონო სერვისების განვითარების მიმართულებით.
  • სამომავლოდ, სოკარის გუნდის წევრი - სოკარ ჯორჯია გაზი, გეგმავს შემეცნებითი ვიდეო გაკვეთილების, ინგლისურენოვანი საგანმანათლებლო მასალის თარგმნას ქართულ ენაზე, რომელიც მიუწვდომელია ჩვენი მოქალაქეებისთვის ენის ბარიერის გამო.
  • სოკარი აქტიურად უჭერს მხარს ახალგაზრდულ სპორტს, მეტწილად ფეხბურთსა და რაგბის.



ქალთა გაძლიერება

ბოლო წლების მანძილზე სოკარს რამდენიმე საინფორმაციო კამპანია ჰქონდა ქალთა გაძლიერების მიმართლებით.

  • ცნოებიერების ამაღლება საავტომობილო სტიკერების #ქალივიციმესაჭესთან საშუალებით და ამ ნაბიჯით არსებულ სტერეოტიპებთან შეწინააღმდეგება.
  • იგივე კამპანიის ფარგლებში ყოველკვირეული საინფორმაციო პოსტების გამოქვეყნება სოკარის ფეისბუქ გვერდზე, სადაც ასახულია ქართველ და უცხოელ ქალებზე საინტერესო ისტორია, მათი სამეცნიერო მიღწევები და გამბედაობა.
  • ქალთა გაძლიერების მიმართულებით, 2018 წელს, სოკარი შეუერთდა გაეროს ქალთა გაძლიერების პრინციპებს, რაც გულისხმობს სამუშაო ადგილებზე ქალთა უფლებების მაქსიმალურად დაცვას, ქალების წახალისებას მაღალი რგოლის მენეჯმენტის პოზიციებზე და ქალების დასაქმებას ე.წ. არატრადიციულ თანამდებობებზე. პროექტის მიზანია აგრეთვე სქესობრივი დისკრიმინაციისა და სექსუალური შევიწროვების აღმოფხვრა და პრევენცია.

 



უსაფრთხოება

კომპანია მნიშვნელოვან ყურადღებას უთმობს საგზაო უსაფრთხოების საკითხებს და სამუშაო ადგილებზე თანამშრომლების ჯანმრთელობისა და სიცოცხლის დაცვას.

სოკარი ნერგავს და მომავალშიც გააუმჯობესებს H&S სისტემებს იმისათვის, რომ მაქსიმალურად იყოს დაცული პერსონალის ჯანმრთელობა სამუშაო ადგილებზე.

კომპანია უზრუნველვყოფს ყველა თანამშრომლის ჯანმრთელობის დაზღვევის პაკეტს.

სოკარ ჯორჯია პეტროლიუმი აკეთებს საგზაო უსაფრთხოების წესებისა და სტანდარტების პრომოუშენს სხვადასხვა კამპანიების საშუალებით სოციალურ ქსელებსა და მედიაში საზოგადოების ცნობიერების ამაღლების კუთხით.

გარდა ამისა, სოკარი ცდილობს აამაღლოს მოსახლეობის ცნობიერება საგზაო უსაფრთხოების მიმართულებით და პერიოდულად აწარმოებს კამპანიებს ქვეითად მოსიარულეთა და ავტომობილის მძღოლებისთვის.



შშმ პირების და ხანდაზმულების უფლებების რეალიზაცია.

  • კომპანია იწყებს პროექტს „აქტიური ცხოვრება ჩემი სტიქიაა“ მხარდაჭერას. პროექტის ფარგლებში გაიმართება რამდენიმე სპორტული ღონისძიება და ექსტრემალური ბანაკი, რომელიც უზრუნველყოფილია ლიფტით, პანდუსებით და სპეციალური სპორტული აღჭურვილობით. ბანაკში მონაწილეობას მიიღებენ ვეტერანები, ცნობილი სახეები და რეგიონებში მცხოვრები შშმ პირები.
  • კომპანია იწყებს სადგურებზე არსებული სველი წერტილების ეტაპობრივ ადაპტაციას. 2019 წელს ავტობანზე მდებარე სადგურებთან არსებული ყველა საპირფარეშო მოერგება შშმ პირთა საჭიროებებს.
  • მორიგი პროექტი, რომელიც 2019 წელს დასრულდება  არის მობილური აპლიკაცია, რომელზეც დატანილი იქნება საქართველოში არსებული ყველა ადაპტირებული ობიექტი. აპლიკაცია დაეხმარება მობილობა შეზღუდულ ადამიანებს მარშრუტის უკეთ დაგეგმვაში. ეს იქნება ღია პლატფორმა, სადაც მომხმარებლები შეიტანენ ახალ ობიექტებს და შეაფასებენ არსებულებს.
  • სოკარ ჯორჯია გაზი წლების განმავლობაში აფინანსებს კათარზისს.