ᲡᲝᲙᲐᲠᲘᲡ ᲡᲢᲣᲓᲔᲜᲢᲣᲠᲘ ᲙᲝᲜᲙᲣᲠᲡᲘᲡ ᲤᲘᲜᲐᲚᲘᲡᲢᲔᲑᲘᲡ ᲕᲘᲖᲘᲢᲘ ᲡᲝᲙᲐᲠ ᲯᲝᲠᲯᲘᲐ ᲞᲔᲢᲠᲝᲚᲔᲣᲛᲨᲘ

29 მაისს, სოკარის სტუდენტური კონკურსის ფინალისტები კომპანიის სათავო ოფისსა და ნავთობბაზას ესტუმრნენ.

ვიზიტი სტაჟირების დაწყებამდე გაიმართა და მიზნად ისახავდა სტუდენტებისთვის კომპანიის საქმიანობის, სტრუქტურისა და ძირითადი მიმართულებების გაცნობას. სათავო ოფისში სტუდენტების ჯგუფს სოკარ ჯორჯია პეტროლეუმის შესახებ პრეზენტაცია წარედგინათ, რომლის ფარგლებშიც მათ მიიღეს ინფორმაცია კომპანიის საქმიანობის, დეპარტამენტებისა და იმ შესაძლებლობების შესახებ, რომლებიც სტაჟირების პერიოდში ექნებათ.

შეხვედრის შემდეგ სტუდენტური კონკურსის ფინალისტები ნავთობბაზას ეწვივნენ, სადაც ადგილზე გაეცნენ საწვავის მიღების, შენახვისა და დისტრიბუციის ძირითად პროცესებს. ვიზიტის ფარგლებში მათ დაათვალიერეს სოკარის ლაბორატორიაც, სადაც საწვავის ხარისხი მუდმივ კონტროლს გადის და სხვადასხვა ფიზიკურ-ქიმიური მაჩვენებლის მიხედვით მოწმდება.

ვიზიტმა სტუდენტებს შესაძლებლობა მისცა, უფრო ახლოს გაცნობოდნენ სოკარ ჯორჯია პეტროლეუმის სამუშაო პროცესებს, ხარისხის კონტროლის სისტემასა და იმ სტანდარტებს, რომლითაც სოკარი მომხმარებლებისთვის სანდო და ხარისხიანი საწვავის მიწოდებას უზრუნველყოფს.