ᲗᲘᲛᲑᲘᲚᲓᲘᲜᲒᲘ 2026

მაისის თვეში, სასტუმრო „ლოპოტა სპა რეზორტმა“ სოკარის 400-მდე თანამშრომელს ორდღიან თიმბილდინგზე უმასპინძლა. ღონისძიებამ სხვადასხვა სტრუქტურული ერთეულის თანამშრომლები ერთ სივრცეში გააერთიანა და მათ სამუშაო გარემოს მიღმა ერთმანეთთან ურთიერთობის, განტვირთვისა და საერთო ემოციების გაზიარების შესაძლებლობა მისცა.

პირველი დღის საღამოს, საზეიმო ვახშმის პარალელურად, თანამშრომლებმა ჩემპიონთა ლიგის ფინალურ მატჩს ერთად უყურეს. მოგვიანებით საღამო ცოცხალი მუსიკის თანხლებით გაგრძელდა, ხოლო დასკვნითი ნაწილი ჯაზ-კლუბში გაიმართა, სადაც DJ-ის მუსიკალურმა პროგრამამ მონაწილეებს არაფორმალურ გარემოში დროის სასიამოვნოდ გატარების შესაძლებლობა მისცა.

თიმბილდინგმა კომპანიის თანამშრომლებს ბევრი პოზიტიური ემოცია, სასიამოვნო მოგონება და საერთო გამოცდილება დაუტოვა. ღონისძიებამ კიდევ ერთხელ გაუსვა ხაზი იმ ურთიერთობებსა და გუნდურ სულისკვეთებას, რომლებიც ერთიანი და ძლიერი გუნდის საფუძველს ქმნის.