პერსონალურ მონაცემთა დამუშავების პოლიტიკა

შესავალი

პერსონალურ მონაცემთა დამუშავების პოლიტიკა (შემდგომში „პოლიტიკა“) უზრუნველყოფს საქართველოს კანონმდებლობით განსაზღვრული წესით და ფარგლებში შპს „სოკარ ჯორჯია პეტროლეუმის“ (ს/ნ:202352514, შემდგომ - სოკარი ან/და ჩვენ) მიერ, ვაკანსიის მაძიებელთა (შემდგომში - თქვენი/თქვენ) პერსონალური მონაცემების (შემდგომში - „მონაცემები“) დამუშავების გამჭირვალობას, თქვენი დასაქმების მიზნით და შემდგომში შრომითი -სახელშეკრულებო ურთიერთობების წარმოებისთვის.

სოკარი თქვენს მონაცემებს ამუშავებს „პერსონალურ მონაცემთა დაცვის შესახებ“ საქართველოს კანონის შესაბამისად, კონკრეტული, მკაფიოდ განსაზღვრული მიზნებით და ამავე კანონით განსაზღვრული საფუძვლებით. ხოლო, კანდიდატთა შერჩევის პროცესს ახორციელებს "დისკრიმინაციის ყველა ფორმის აღმოფხვრის შესახებ" საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით.

თქვენი მონაცემების დამუშავებისას, დაცულია „პერსონალურ მონაცემთა დაცვის შესახებ“ საქართველოს კანონით განსაზღვრული მოთხოვნები.

ჩვენ მაქსიმალურად ვიცავთ თქვენ მონაცემებს და ამისათვის დანერგილი გვაქვს სათანადო ორგანიზაციული და ტექნიკური უსაფრთხოების ზომები.

სოკარს ჰყავს პერსონალურ მონაცემთა დაცვის ოფიცერი, რომელიც გვეხმარება სოკარში მონაცემთა დაცვის მაღალი სტანდარტის უზრუნველყოფაში. პერსონალურ მონაცემთა დაცვის ოფიცერი წარმოადგენს მთავარ საკონტაქტო პირს მონაცემთა სუბიექტებისათვის.

პოლიტიკაში გამოყენებულ ტერმინებს აქვთ „პერსონალურ მონაცემთა დაცვის შესახებ“ საქართველოს კანონით განსაზღვრული მნიშვნელობა.

მონაცემები რომელსაც ვამუშავებთ

ჩვენ ვამუშავებთ, მათ შორის, ვაგროვებთ და ვინახავთ პერსონალურ მონაცემებს, რომელთაც თქვენ მოგვაწვდით ვებგგვერდზე მიმდინარე ვაკანსიებისთვის განკუთვნილი ველების შევსებისას. ასეთი მონაცემებია:

სახელი;
გვარი;
ელ.ფოსტის მისამართი;
დაბადების თარიღი;
ტელეფონის ნომერი;
ბიოგრაფია (რეზიუმე), რაც შესაძლოა მოიცავდეს (მაგრამ არ შემოიფარგლება): ფოტოსურათს, სქესს, მოქალაქეობას, პირადობის მოწმობის/პასპორტის მონაცემებს, რეგისტრაციის მისამართს, საცხოვრებელი ადგილის მისამართს, განათლების და კვალიფიკაციის დამადასურებელ დოკუმენტს ან/და ასეთი დოკუმენტზე არსებულ ინფორმაციას და რეკვიზიტებს, სარეკომენდაციო წერილებს, თქვენი სატრანსპორტო საშუალების სარეგისტრაციო ნომერს და სხვა.

გარდა ზემოთ ჩამოთვლილი პერსონალური მონაცემებისა, სოკარის მიერ შესაძლებელია, დამუშავდეს თქვენი სხვა ისეთი პერსონალური მონაცემები, რომლებიც განსაზღვრულია საქართველოს კანონმდებლობით (მათ შორის, საქართველოს ორგანული კანონით -„საქართველოს შრომის კოდექსით“) ან/და აუცილებელია დასაქმების თაობაზე გადაწყვეტილების მისაღებად, ორგანიზაციული მოწესრიგების საჭიროებების გათვალისწინებით.

მონაცემების დამუშავები მიზანი

თქვენი მონაცემების მოწოდების გარეშე, ჩვენ ვერ განვიხილავთ თქვენს შესაბამისობას არსებულ ან/და სამომავლო ვაკანტურ თანამდებობაზე დანიშვნის მიზნით. შესაბამისად, თქვენს მონაცემებს ვამუშავებთ:

განაცხადის განხილვის მიზნით;
ვაკანტურ თანამდებობაზე თქვენი კანდიდატურის შესაბამისობის დადგენის მიზნით;
დასაქმების შესახებ გადაწყვეტილების მიღების მიზნით.

მონაცემთა დამუშავების საფუძველი

თქვენი მონაცემები მუშავდება “პერსონალურ მონაცემთა დაცვის შესახებ” საქართველოს კანონით განსაზღვრული შესაბამისი კანონიერი საფუძვლით. კერძოდ, წინამდებარე პოლიტიკაში მითითებული პერსონალური მონაცემების დამუშავების საფუძველია სოკარის მნიშვნელოვანი ლეგიტიმური ინტერესი (პერსონალურ მონაცემთა დაცვის შესახებ“ საქართველოს კანონის მე-5 მუხლის პირველი პუნქტის „ი“ ქვეპუნქტი).

სოკარი უფლებამოსილია „პერსონალურ მონაცემთა დაცვის შესახებ“ საქართველოს კანონის მე-6 მუხლის პირველი პუნქტის „თ“ ქვეპუნქტის საფუძველზე, დაამუშავოს პირის განსაკუთრებული კატეგორიის მონაცემი, თუ განსაკუთრებული კატეგორიის მონაცემების დამუშავება აუცილებელია შრომითი ვალდებულებებისა და ურთიერთობის ხასიათიდან გამომდინარე, მათ შორის, დასაქმების შესახებ გადაწყვეტილების მისაღებად ან კანდიდატის შრომითი უნარების შესაფასებლად.

მონაცემთა შენახვა და შენახვის ვადა

თქვენ მიერ მოწოდებული პერსონალური მონაცემები და ბიოგრაფია (რეზიუმე) ინახება არსებულ ვაკანტურ თანამდებობაზე შესაბამისი კანდიდატის დანიშვნის გადაწყვეტილების მიღებიდან 1 (ერთი) წლის განმავლობაში.

შპს „სოკარ ჯორჯია პეტროლეუმმა“ შესაძლოა თქვენი პერსონალური მონაცემები და ბიოგრაფია (რეზიუმე) შეინახოს 1 (ერთი) წლის განმავლობაში, სამომავლო ვაკანტურ თანამდებობაზე თქვენი კანდიდატურის განმეორებით განხილვის, შესაბამისობის დადგენის და დასაქმების გადაწყვეტილების მიღების მიზნით.

თუ თქვენ თანახმა ხართ, თქვენი მონაცემები შევინახოთ და განვიხილოთ სამომავლო ვაკანტურ თანამდებობებთან მიმართებით, გთხოვთ, აღნიშნულის შესახებ მოგვწერეთ დამატებით ველში - „დაგვიტოვე წერილი“. შეტობინება უნდა შეიცავდეს ინფორმაციას, თანახმა ხართ თუ არა თქვენი პერსონალური მონაცემები და ბიოგრაფია სოკარმა განიხილოს სხვა ვაკანტურ თანამდებობაზე თქვენი დანიშვნის მიზნით, 1 (ერთი) წლის განამვლობაში. წინააღმდეგ შემთხვევაში თქვენი კანდიდატურა განიხილება მხოლოდ არსებულ ვაკანსიაზე.

თქვენი უფლებები

„პერსონალურ მონაცემთა დაცვის შესახებ“ საქართველოს კანონის შესაბამისად, თქვენ გაქვთ უფლება:

მოითხოვოთ დადასტურება იმის შესახებ მუშავდება თუ არა თქვენი პერსონალური მონაცემები, დამუშავების საფუძვლის, მიზნისა და შენახვის ვადების მითითებით;
გაეცნოთ თქვენს შესახებ შეგროვებულ პერსონალურ მონაცემებს;
მოითხოვოთ მცდარი, არაზუსტი ან/და არასრული მონაცემების გასწორება, განახლება ან/და შევსება;
მიიღოთ თქვენს შესახებ შეგროვებული პერსონალური მონაცემების ასლები (არსებობის შემთხვევაში);
მოითხოვოთ თქვენს შესახებ ჩვენთან არსებული პერსონალურ მონაცემთა დაბლოკვა (არსებობის შემთხვევაში);
მოითხოვოთ თქვენ მიერ გაცემული თანხმობის გამოხმობა;
ასევე, „პერსონალურ მონაცემთა დაცვის შესახებ“ საქართველოს კანონის მე-3 თავით გარანტირებული სხვა უფლებების რეალიზება.

თქვენ გარანტირებული გაქვთ სოკარის პერსონალურ მონაცემთა დაცვის ოფიცრის შეუზღუდავი ხელმისაწვდომობა, შეგიძლიათ მიმართოთ კონსულტაციისთვის და დამატებითი ინფორმაციის მიღების მიზნით. პერსონალურ მონაცემთა დაცვის ოფიცრის შესახებ ინფორმაცია განთავსებულია სოკარის ვებგვერდზე და ასევე, მითითებულია წინამდებარე პოლიტიკის დასასრულს.

უფლებების შეზღუდვა

„პერსონალურ მონაცემთა დაცვის შესახებ“ საქართველოს კანონის შესაბამისად, მონაცემთა სუბიექტის უფლებები შეიძლება შეიზღუდოს, თუ ეს პირდაპირ არის გათვალისწინებული საქართველოს კანონმდებლობით, ამით არ ირღვევა ადამიანის ძირითადი უფლებები და თავისუფლებები, აუცილებელი და პროპორციული ზომაა დემოკრატიულ საზოგადოებაში და ამ უფლებების განხორციელებამ შეიძლება საფრთხე შეუქმნას:

სახელმწიფო უსაფრთხოების, ინფორმაციული უსაფრთხოებისა და კიბერუსაფრთხოების ან/და თავდაცვის ინტერესებს;
საზოგადოებრივი უსაფრთხოების ინტერესებს;
დანაშაულის თავიდან აცილებას, დანაშაულის გამოძიებას, სისხლისსამართლებრივ დევნას, მართლმსაჯულების განხორციელებას, პატიმრობისა და თავისუფლების აღკვეთის აღსრულებას, არასაპატიმრო სასჯელთა აღსრულებას და პრობაციას, ოპერატიულ-სამძებრო საქმიანობას;
ქვეყნისთვის მნიშვნელოვან ფინანსურ ან ეკონომიკურ (მათ შორის, მონეტარულ, საბიუჯეტო და საგადასახადო), საზოგადოებრივი ჯანმრთელობისა და სოციალური დაცვის საკითხებთან დაკავშირებულ ინტერესებს;
მონაცემთა სუბიექტის მიერ პროფესიული, მათ შორის, რეგულირებადი პროფესიის, ეთიკის ნორმების დარღვევის გამოვლენას და მისთვის პასუხისმგებლობის დაკისრებას;
მონაცემთა სუბიექტის ან/და სხვა პირების უფლებებსა და თავისუფლებებს, მათ შორის, გამოხატვის თავისუფლებას;
სახელმწიფო, კომერციული, პროფესიული და კანონით გათვალისწინებული სხვა სახის საიდუმლოებების დაცვას;
სამართლებრივი მოთხოვნის ან შესაგებლის დასაბუთებას.

თქვენი, როგორც მონაცემთა სუბიექტის უფლების შეზღუდვისათვის გათვალისწინებული ზომა შეიძლება გამოყენებულ იქნეს მხოლოდ იმ მოცულობით, რომელიც აუცილებელია შეზღუდვის მიზნის მისაღწევად. უფლების შეზღუდვის საფუძვლების არსებობისას, სოკარის გადაწყვეტილება მონაცემთა სუბიექტს ეცნობება იმგვარად, რომ ზიანი არ მიადგეს უფლების შეზღუდვის მიზანს.

უსაფრთხოების ზომები

ჩვენ უზრუნველვყოფთ ყველა სათანადო ორგანიზაციულ და ტექნიკურ ზომას თქვენი პერსონალური მონაცემების დაცვისთვის, რაც აუცილებელია „პერსონალურ მონაცემების დაცვის შესახებ“ საქართველოს კანონით და მარეგულირებელი სამართლებრივი აქტებით.

ჩვენ ვიღებთ აუცილებელ და საკმარის ორგანიზაციულ და ტექნიკურ ზომებს, რათა დავიცვათ თქვენი ინფორმაცია არაავტორიზებული ან შემთხვევითი წვდომისგან, განადგურებისგან, მოდიფიკაციისგან, დაბლოკვის, კოპირების, გავრცელებისგან, ასევე მესამე მხარის სხვა უკანონო ქმედებებისგან. აღნიშნული ორგანიზაციული და ტექნიკური ზომების დანერგვის მიუხედავად, არსებობს კიბერდამნაშავეებისა და სხვა დანაშაულებრივი ქმედებებით განპირობებული, თქვენი პერსონალური მონაცემების უკანონო დამუშავების რისკი. სოკარი ვერ იქნება პასუხისმგებელი ამგვარ დანაშაულებრივ ქმედებებზე.

დაგვიკავშირდით

თუკი გაქვთ შეკითხვები წინამდებარე კონფიდენციალურობის პოლიტიკისა თუ პერსონალური მონაცემების დაცვის ჩვენეულ პრაქტიკასთან დაკავშრებით, გთხოვთ, დაგვიკავშირდეთ ელექტრონული ფოსტით მისამართზე: info@sgp.ge

პერსონალურ მონაცემთა დაცვის ოფიცერი - შპს „მონაცემთა დაცვის გუნდი“

საკონტაქტო ინფორმაცია: dptinfo@proton.me

კონტაქტი

ᲓᲐᲒᲕᲘᲙᲐᲕᲨᲘᲠᲓᲘ