2025 ᲬᲚᲘᲡ ᲑᲝᲚᲝ ᲡᲐᲛᲣᲨᲐᲝ ᲓᲦᲔ ᲡᲝᲙᲐᲠᲘᲡ ᲒᲣᲜᲓᲗᲐᲜ ᲔᲠᲗᲐᲓ

წლის ბოლო დღეები ყოველთვის განსაკუთრებულ ემოციებთან ასოცირდება. სწორედ ამიტომ, 2025 წლის ბოლო სამუშაო დღე სოკარ ჯორჯია პეტროლეუმის დიდმა გუნდმა ერთად, დადებითი ენერგიითა და სადღესასწაულო განწყობით გააცილა.

31 დეკემბერს, სოკარის სათაო ოფისის ეზოში, თანამშრომლებისთვის სპეციალურად მოეწყო საახალწლო აქტივობა, რომელმაც განსაკუთრებული გარემო შექმნა. ღონისძიების ფარგლებში სტუმრებს დახვდათ ცხელი შოკოლადი და გლინტვეინი, ცოცხალი მუსიკა და საშობაო სოფელი, სადაც შესაძლებელი იყო საახალწლო საჩუქრების შეძენა.

განსაკუთრებული ინტერესი გამოიწვია კულინარიულმა ვორქშოპმა, რომლის ფარგლებში თანამშრომლებმა ერთად მოხატეს საახალწლო ორცხობილები და კიდევ უფრო გააძლიერეს ერთიანობის განცდა.

ღია ცის ქვეშ გამართულ ღონისძიებაზე სითბო, ღიმილი და ურთიერთობის განსაკუთრებული ენერგია სუფევდა, რის ფონზეც შეხვდა სოკარის გუნდი 2026 წლის მოახლოებას.