ᲠᲐ? ᲡᲐᲓ? ᲠᲝᲓᲘᲡ? ᲑᲘᲖᲜᲔᲡ ᲚᲘᲒᲘᲡ ᲤᲘᲜᲐᲚᲣᲠ ᲢᲣᲠᲜᲘᲠᲖᲔ ᲡᲝᲙᲐᲠᲘᲡ ᲒᲣᲜᲓᲛᲐ ᲛᲔᲡᲐᲛᲔ ᲐᲓᲒᲘᲚᲖᲔ ᲛᲝᲘᲞᲝᲕᲐ

ბიზნეს ლიგის ინტელექტუალური ტურნირი რა? სად? როდის? 2018 წლიდან ტარდება და ყოველწლიურად აერთიანებს როგორც კერძო, ასევე საჯარო სექტორის წარმომადგენლებს.

გუნდები იყოფიან ორ კატეგორიად - პროფესიონალური და სამოყვარულო, რაც მონაწილე გუნდებში პროფესიონალი მოთამაშეების რაოდენობით განისაზღვრება. ტურნირი მიმდინარეობს ყოველთვიური თამაშების ფორმატით და სრულდება სუპერფინალით.

წლევანდელი სეზონის ტურნირში 50-მდე გუნდი მონაწილეობდა. სოკარის პროფესიონალებით დაკომპლექტებული გუნდი ბიზნეს ლიგის ერთ-ერთი მუდმივი და წარმატებული მონაწილეა. 2025 წლის სუპერფინალი 20 ივნისს  ქორთიარდ მერიოტში გაიმართა, სადაც სოკარის გუნდმა მესამე ადგილი მოიპოვა.