ᲞᲘᲠᲕᲔᲚᲐᲓᲘ ᲡᲐᲛᲔᲓᲘᲪᲘᲜᲝ ᲓᲐᲮᲛᲐᲠᲔᲑᲘᲡ ᲢᲠᲔᲜᲘᲜᲒᲘ ᲥᲐᲠᲗᲣᲚ-ᲐᲛᲔᲠᲘᲙᲣᲚ ᲣᲛᲐᲦᲚᲔᲡ ᲡᲙᲝᲚᲐᲨᲘ

28 ნოემბერის, SOCAR-ის და Safety Hub Plus-ის უსაფრთხოების პროექტის ფარგლებში, ქართულ-ამერიკული უმაღლესი სკოლის მოსწავლეებისთვის პირველადი სამედიცინო დახმარების ტრენინგი ჩატარდა.

ბავშვებმა მიიღეს როგორც თეორიული, ასევე პრაქტიკული ცოდნა - რაც მათ კრიტიკულ სიტუაციებში მყისიერი რეაგირების უნარს გაუძლიერებს.

დამამთავრებელი კლასის მოსწავლეები სერტიფიკატებით დაჯილდოვდნენ, ხოლო სკოლას საჩუქრად პირველადი დახმარების ნაკრები გადაეცა.