ᲙᲝᲠᲞᲝᲠᲐᲢᲘᲣᲚᲘ ᲛᲝᲛᲮᲛᲐᲠᲔᲑᲚᲔᲑᲘᲡ ᲕᲘᲖᲘᲢᲘ ᲡᲝᲙᲐᲠᲘᲡ ᲜᲐᲕᲗᲝᲑᲑᲐᲖᲐᲖᲔ

3 და 5 ივნისს, სოკარ ჯორჯია პეტროლეუმმა კორპორატიულ მომხმარებლებს ნავთობბაზაზე უმასპინძლა. ვიზიტის ფარგლებში სტუმრებმა მიიღეს დეტალური ინფორმაცია იმ გზის შესახებ, რომელსაც საწვავი საქართველოში შემოსვლიდან მომხმარებლის ავტომობილის ავზში მოხვედრამდე გადის.

ტურის განმავლობაში მონაწილეები გაეცნენ საწვავის მიღების, შენახვისა და დისტრიბუციის პროცესებს. განსაკუთრებული ყურადღება დაეთმო ხარისხის კონტროლის სისტემას, რომელიც საწვავის ყველა ეტაპზე მონიტორინგს უზრუნველყოფს.

სტუმრებმა ასევე დაათვალიერეს უახლესი სტანდარტებით აღჭურვილი სოკარის ლაბორატორია, სადაც საწვავის ხარისხი სისტემატურად მოწმდება. ვიზიტმა კორპორატიულ მომხმარებლებს შესაძლებლობა მისცა, უფრო ახლოს გაცნობოდნენ იმ სტანდარტებსა და პროცესებს, რომლითაც სოკარი სანდო და ხარისხიანი საწვავის მიწოდებას უზრუნველყოფს.