ᲜᲘᲙᲐ ᲚᲔᲑᲐᲜᲘᲫᲘᲡ ᲒᲐᲛᲝᲤᲔᲜᲐ - ᲡᲕᲐᲜᲔᲗᲘ - ᲓᲠᲝᲘᲡᲐ ᲓᲐ ᲡᲘᲕᲠᲪᲘᲡ ᲤᲐᲠᲓᲝᲑᲘᲗᲘ ᲗᲐᲛᲐᲨᲘ

სოკარისა და იტალიის საელჩოს მხარდაჭერით, 4 ივნისიდან 20 ივლისამდე ზურაბ წერეთლის თანამედროვე მუზეუმში მიმდინარეობს პროექტის „სვანეთი - დროისა და სივრცის ფარდობითი თამაში. ვიტორიო სელა - ნიკა ლებანიძე“ გამოფენა.

პროექტი სვანეთში ვიტორიო სელას მიერ 135 წლის წინ გავლილ მარშრუტს იმეორებს და მოიცავს მიმართულებებს: ბეჩო, მულახი, მუჟალი, უშბის პლატო, ებუთი, მაზერი, მესტია, უშგული და ადიში. გამოფენაზე წარმოდგენილია სელას საარქივო მასალისა და ნიკა ლებანიძის 2025-2026 წლების საექსპედიციო კადრების შეჯერებით შექმნილი ვიზუალური ნარატივი, რომელიც დროის გავლენით მომხდარ ცვლილებებსა და ამ ადგილების დღევანდელ მდგომარეობას ასახავს.

ეროვნულ და სვანეთის მუზეუმებთან თანამშრომლობით შექმნილი პროექტი ეკოლოგიური და ურბანული განვითარების თემებს აერთიანებს.

კვლევის მთავარი ობიექტი გზაა, ხოლო სუბიექტი - დრო.

სოკარისთვის მსგავსი პროექტების მხარდაჭერა კულტურული მემკვიდრეობის, თანამედროვე ხელოვნებისა და გარემოსდაცვითი თემების პოპულარიზაციის ხელშეწყობას უკავშირდება.