ᲬᲜᲝᲠᲘᲡ ᲐᲮᲐᲚᲘ ᲞᲐᲠᲙᲘᲡ ᲒᲐᲛᲬᲕᲐᲜᲔᲑᲐ

6 მაისს ორგანიზაცია „სადაგმა“, სოკარ ჯორჯია პეტროლეუმის მხარდაჭერით, წნორის ახალი პარკი გაამწვანა. გამწვანების პროცესში მონაწილეობა მიიღეს ორგანიზაციის გუნდის წევრებმა და მოხალისეებმა, რომლებიც წლების განმავლობაში აქტიურად არიან ჩართულნი გარემოსდაცვით ღონისძიებებში.

პროექტის მიზანია გარემოზე ზრუნვის კულტურის გაძლიერება, საზოგადოებრივი სივრცეების გამწვანება და ადგილობრივი გარემოს გაუმჯობესებაში საზოგადოების ჩართულობის წახალისება. სოკარ ჯორჯია პეტროლეუმისთვის გარემოსდაცვითი აქტივობების მხარდაჭერა კორპორაციული სოციალური პასუხისმგებლობის ერთ-ერთი უმნიშვნელოვანესი მიმართულებაა.