OFF-ROAD CLUB GEORGIA ᲘᲡᲚᲐᲜᲓᲘᲐᲨᲘ

კომპანია Arctic Trucks-ის ოფიციალური მოწვევით, Off-Road Club Georgia-ს წარმომადგენლები სამუშაო ვიზიტით იმყოფებოდნენ ისლანდიაში. ვიზიტის ფარგლებში ჯგუფმა მოინახულა Arctic Trucks-ის საწარმოო კომპლექსი და დეტალურად გაიცნო ბრენდის მიერ შექმნილი სპეციალიზებული მოდელები, რომლებიც განკუთვნილია ექსტრემალური პირობებისთვის - მათ შორის არქტიკისა და ანტარქტიკის ექსპედიციებისთვის.

დელეგაციამ ასევე მიიღო მონაწილეობა სპეციალურად ორგანიზებულ ოფროუდ ტესტ-დრაივში, სადაც რეალურ გარემოში გამოცადა Arctic Trucks-ის ტექნიკური შესაძლებლობები და გამძლეობა.

ოფიციალური პროგრამის პარალელურად სტუმრებს საშუალება ჰქონდათ გაცნობოდნენ ადგილობრივ კულტურას და ისტორიულ ღირსშესანიშნაობებს.

ვიზიტი ითვლება მნიშვნელოვან ეტაპად Off-Road Club Georgia-სა და Arctic Trucks-ს შორის ურთიერთობის გასაღრმავებლად.

სოკარ ჯორჯია პეტროლეუმი Off-Road Club Georgia-ს მხარდამჭერია.