ᲡᲝᲙᲐᲠᲛᲐ ᲐᲮᲐᲚᲘ ᲒᲐᲛᲝᲬᲔᲠᲘᲡ ᲤᲣᲜᲥᲪᲘᲐ - SOCAR PRIME ᲓᲐᲐᲛᲐᲢᲐ

სოკარმა მომხმარებლებისთვის ახალი გამოწერის ფუნქცია - SOCAR Prime დაამატა. SOCAR Prime აერთიანებს საწვავზე ფასდაკლებას, დამატებითი ქულების დაგროვებასა და პარტნიორი კომპანიების სპეციალურ შეთავაზებებს. გამოწერის ღირებულება თვეში 15 ლარია, ხოლო წლიური პაკეტის ღირებულება 150 ლარს შეადგენს.

SOCAR Prime-ის გამომწერები თითოეულ ლიტრ საწვავზე იღებენ 36 თეთრამდე სარგებელს - 30 თეთრს ფასდაკლების სახით (აღნიშნული ფასდაკლება არ მოქმედებს თვითმომსახურებისა და სპეც.ფასის სადგურებზე), ხოლო 6 თეთრს ქულების დაგროვებით. საკუთარი სარგებლის დათვლა შესაძლებელია SOCAR Geo აპლიკაციაში ან ვებგვერდზე არსებული კალკულატორით, სადაც მომხმარებელი რამდენიმე მონაცემის მითითებით იგებს, რამდენს ზოგავს გამოწერით.

Prime-ის გამომწერებისთვის პარტნიორ ობიექტებში ექსკლუზიური 50%-მდე ფასდაკლებები მოქმედებს - მათ შორის ავტომოვლის, დაზღვევის, კვების, სპა-ფიტნესისა და დასვენების მიმართულებით. პარტნიორებს შორის არიან Quick Wash, Global Benefits Georgia, Juba, Autobani, Way Mart, Amboli, NOVA, GST Legal, CARU, Sam Raan Spa & Wellness Center, SmartPaw, Hilton Batumi, Broli და Panorama Lisi Grand Hotel.

აღსანიშნავია ისიც, რომ ყოველთვიური გადასახადიდან 1 ლარი სოციალური პასუხისმგებლობის პროექტებს მოხმარდება. მომხმარებელს კი თავად შეეძლება აირჩიოს, სოკარის რომელ CSR მიმართულებას დაუჭერს მხარს.